قصه جديده

منها اتنين
غدير هزت راسها بيأس منو ونامت على الكنبه وقالت تصبح على خير
ياسين اتنهد وقال طب بذمتك ده ينفع يعني انا هكون نايم على السرير ده كله طويل عريض لوحدي وانت على الكنبه كده ما اقدرش ما يجينيش نوم ابدا
غدير قالت.. و المطلوب
ياسين قال ..والله والله ما يصحش ابدا لازم تيجي تنامي هنا جنبي على السرير
غدير ضحكت وقالت لايصح خالص شكرا مش بحب انام جنب حد
ياسين ضحك وقال علشان ما جربتيش لو جربت تنامي جنب حد مش هتعرفي تنامي لوحدك ابدا جربي بس خصوصا لو كان الحد ده انا
غدير ضحكه من قلبها وقالت الواحده محتاجه فعلا لواحد زيك يعني يخفف من الهموم شويه مضحكني مۏت

ياسين ابتسم وقال ده من حظي لو ضحكت الشفايف القمر دي كانت بسببي
اتنهدت وقالت يا ابني انت اي حاجه راشق على طول نام بقى معايا جامعه الصبح
لسه هتنام بس قعدت بسرعه وبصتله وقالت هو انت هتتصرف ازاي بكره الصبح يعني ازاي هنقول اننا كنا متجوزين وكده تفتكر هيصدقونا
ياسين قعد وقال بجديه تعرفي انا من الاول شايف ان ملوش لزوم نعمل كده انتي بنت ما فيش منك وما عملتيش حاجه لكل ده عشان تضطري تبرري وتكدبي علشان ناس هم اۏسخ من اننا نكلمهم اصلا..بس مضطرين نتعايش مع المجتمع السخيف الي هيفضل حاطك في خانه قذره لو معملناش كده .. علشان كده وافقت بابا على اللي قالوا ..احنا بكره هنحكي كل اللي حصل بس بطريقه تانيه انك تعبتي ودختي في الحمام وانا دخلت اطلعك لاني جوزك من قبل كده بكتير وبس
بصتله وقالت طب ما حدش هيسال على تاريخ القسيمه او يشوفها او كده
ياسين قال ..محدش من حقه يسال وحتى لو حد سال مش مجبرين نرد عليه
غدير قالت بحرج..طب و بالنسبه يعني للقلم اللي انا لسعتهولك قدامهم ا
ياسين اتسعت عنيه وهو بيبص لها بدهشه وقال لسعتهولك...انتي عارفه كان نفسي اقطع ايدك بعد الحركه دي ..بس ما علينا خلينا في المهم الموضوع ده محدش هيسأل عنو اصلا .. المهم ان مهما يتقال بعد كده من كلام سواء اتقال ان دي كلها لعبه او اتقال اي حاجه من الكلام ده طنشي خالص وما ترديش على حد وتتعاملي مع الناس على انهم
ظالمينك وكده يعني
غدير اتنهدت وقالت هما فعلا ظالميني لان انا ما غلطتش وما عملتش حاجه انا بس دخت شويه صحيت لقيت الموقف ده كله وعلى فكره انا شايفه ان انت الغلطان في كل الموضوع ده لو كنت حابب تساعدني كنت نادي على شويه بنات زمايلي مش تدخل انت فورا بالطريقه دي
ياسين اتنهد وقال... معاكي حق في كل اللي قولتيه بس انا وقتها مفكرتش في كل ده ..لكن صحيح انتي ليه اغمى عليك وقتها
قالت باستغراب معرفش ...انا خلصت فطاري في الجامعه وحسيت بغثيان دخلت الحمام واغمى عليا فجأه
ياسين فكر سويه وقال..زي ما اتوقعت الموضوع متدبر حد حط حاجه في الاكل علشان تدخلي الحمام وده يحصل في الحمام تحديدا...على العموم انا هوصل للي عمل كده ان شاء الله خير
غدير فكرت في حد معين اول ما قال كده واتنهدت پغضب وقالت تصبح على خير
ولسه هتنام قال ..متناميش عندك يلا تعالي على السرير
غدير قالت ..مش هيحصل مش هنام جنبك متتعبش نفسك
ضحك وقال لا مش جنبي تعالي نامي على السرير وانا هنام عندك على الكنبه مبسوطه كده
وقفت وقالت طبعا مبسوطه ..شكرا هو المفروض يحصل كده يعني