المشوه الحلقه 6
يبقي انا اعمل 100 كل حاجه كانت بتتضاعف عليا علي اساس اتعب واستسلم
ليلي عمرك ما استسلمت
ادهم مكنش ينفع استسلم اصلا كنت هروح فين لبيت ناس رافضيني وكتر خيرهم قوي انهم اتبنوني وساعدوني اني ادخل الكليه دي بكل المقاييس كان لازم استحمل واكمل بس المشكله اني كل ما استحمل واعمل المطلوب كانوا بيزودوا الضغط عليا ويمكن ده اللي خلاني حاليا ظابط ليا وضعي اني مهما اقابل حاجات صعبه فانا عديت بالاصعب
ادهم مكنتش باخد اجازات ياما لاني انا مش عايز يا اما هما بيخترعولي اي حاجه علشان يمنعوني من الاجازه بس لما اخدوا بالهم اني اصلا مش عايز اجازات بطلو يمنعوني بس برضه مكنتش بنزل
ليلي ليه
ادهم هنزل لمين وليه
ليلي وزمايلك محدش صاحبك ابدا
ادهم في اول سنه لأ الكل كان واخد جنب مني وبعدها اتعرفت علي كام واحد ساعدتهم فاضطروا يتعاملوا معايا
ادهم اول واحد اسمه رائد وده في يوم كان عندنا اختبار للتحمل فطلبو نجري مسافه طويله ولازم نكمل للاخر وزي ما قولتلك انا بيطلب مني اكتر ساعتها كان مطلوب منهم يجروا 3 كيلو وانا 5 كيلو
ليلي وهو في حد يقدر يجري المسافه دي
ادهم بالتدريب اه واكتر كمان وبعدين محددوش وقت المهم بس تكمل للاخر
ادهم وانا بجري لقيت رائد ده علي الارض ورجله مكسوره او مجزوعه وطبعا لان اصحابه لازم يكملو الاختبار سابوه علي اساس لما يوصلو يبعتوله مساعده فلما شوفته وقفت واتكلمت معاه
بدا يحكيلها
ادهم محتاج مساعده
رائد شكرا اصحابي هيبعتولي مساعده
ادهم لو عايز انا ممكن اساعدك
رائد متشكر اتفضل
رائد عارف انت فاكرني مش عارف
ادهم واصحابك ما ساعدوكش ليه معاهم
رائد ومين هياخر نفسه علشان خاطر حد
ادهم انا مستعد اشيلك لحد ما توصل انت خلاص فاضلك كيلو وتوصل
رائد وهتستفاد ايه
ادهم مش شرط استفاد عادي
رائد ايوه هتعمل ده مقابل ايه
ولسه هيكمل جري
رائد استني ارجوك ساعدني لو تقدر
ادهم قرب عليه وركبه علي ظهره ومشي بيه لحد ما وصله والكل استغرب انه عمل كده لانهم كلهم ديما بيحبوا يضايقوه حتي القائد استغرب من تصرفه وصله ونزله ونجحه في اختباره
ادهم هكمل تمريني للاخر
ادهم نزل حمله من علي ظهره وكمل المسافه اللي فاضله
مهما كان التحدي كان بيقبله
بعدها بفترة قابل رائد اللي اتشكره لانه ساعده
رائد ده جميل مش هنساه بس اسف انا مش هقدر اكون صاحب ليك اسف مش نداله بس الكل و منظري. و
ادهم انا مطلبتش منك انك تكون صاحب ومعملتش ده علشان اقرب من حد بعد اذنك
ادهم متعود انه لوحده ومش عايز حد
ليلي لا بقي دي اسمها نداله
ادهم مش نداله بس لو هو صاحبني اصحابه هيسيبوه
ليلي ما هما اصلا سابوه مرمي ومحدش فكر يعمل زيك
ادهم تفكيرهم ساعتها كان في الامتحان وانهم ينجحوا وبس
ليلي هو انت علي طول كده
ادهم كده ازاي يعني
ليلي بتحط اعذار
ادهم للأسف ايوه
ليلي وبعدها اتصاحبتوا بقي
ادهم مش اتصاحبنا بالمعني اللي انتي فاكراه انا ماليش اصحاب اصلا بس علي فترات كان ممكم نتكلم
ليلي اتعرفت علي حد تاني
ادهم واحدتاني كان اسمه طارق كان هو واصحابه بيلعبوا كوره وانا واقف بعيد وهما بيلعبوا طارق شات كوره جامده حبتين
