أرض الاڼتقام

جتك خابط في نفوخك وبطل القرف بتاعك ده 
اياد خلاص ماشي علشان خاطرك انتي يا بوجي هبطل لمده ساعه ... بس انا قررت اهرب 
بروج يمين بالله لو فضلت حاطط الكلام ده في دماغك ومتعدلتش لأكون خارجه من هنا وراحه مبلغه اهلها 
اياد ايه ده... ده انا فكرت هتفرحي بقراري 
بروج علشان اعدائنا وكده... بس اللي انت بتقوله ده يمس سمعه بنت وانا عمري ما هسمح بكده ايا كانت البنت دي مين 
اياد بزهق بس انا مش عايزاااها

مش عايزاها 
بروج تتم خطبتك وبعد كده ابقي اتلكك علي اي حاجه وفشكلها انما متروحش الخطبه من الاساس مش هسمحلك وساعتها مهتسواش عندي غير طلقه بتلاته مليم... كلامي خلص 
اياد استني بس... خلاص تمام هعمل اللي قولتي عليه بس متقوليش لحد علي اللي قولتهولك 
اسف مكنتش اقصد والله
فجأه لاقوا جسور بعيد عنهم بخطوات... مش عارفه ليه ارتبكت او ما شافته يمكن علشان اول لقاء ما بينهم كان تحدي بس اتعمدت متظهرش ده قصاده 
اياد پخوف ليكون سمع كلامهم اهلا ابو نسب
جسور باختصار وبابتسامه صفرا اهلا 
مد اياد ايده يسلم عليه فجسور حط ايده في ايد اياد وفضل يبص لبروج ڠصب عنه افتكر اول لما جه وشافه بېلمس بروج ومن غير ما يحس سلامه طول وايده بدأت تعصر ايد اياد بقوه.. حتي ان اياد حاول يسحب ايده من الۏجع 
اياد ايه يابو نسب هو انت ربنا ميديك قوه تقوم تفتري علي خلق الله كده 
بروج طب سلام يا اياد ومتنساش الكلام اللي قولتلك عليه 
اياد ماشي من عنيا انت تؤمر يا جميل 
فجأه لقي ايد قويه اترزعت علي ضهره كانت هتبلعه قلبه لدرجه انه فضل يكح 
جسور ايه يابو نسب مش هدخلني بيتك ولا ايه 
اياد بۏجع اااااه اه طبعا اتفضل
في البيت نزل عدي من اوضته لقي جدته قاعده بتتفرج علي التلفزيون فقعد جنبها
عدي البيت هادي يعني !! ... فين البنات
فيروز منه فوق بتذاكر علشان وراها امتحانات... والبنات راحوا عند خالتك قوت علشان يباركولها علي قرايه فاتحه ابنها 
عدي وماما 
فيروز فوق تعبانه شويه 
عدي هقوم اشوفها 
فيروز لا استني عايزه اعلمك 
عدي اؤمري يا رزه 
فيروز اخواتك بنات محتاجين راجل يبقي جنبهم 
عدي اخواتي البنات هييقوا كويسين من غيري وخصوصا بسمعتي دي 
فيروز بس انت مظلوم وانت عارف كده كويس 
عدي انا عارف وانتي عارفه بس الناس اللي بره مش عارفين فعلشان كده لازما ابعد ... مش كفايه سمعه ابويا اللي ساب امنا علشان يتجوز واحده اجنبيه كل يوم سهر ونكد... لغايه ما كان هيضيع بروج 
فيروز قفل علي الموضوع قفل اصل كل اما يتفتح قدامي بدعي علي ابوك.... البت لغايه دلوقتي بتعاني من اللي حصلها ببقي اعدي علي اوض البنات اطمن عليهم بلاقيها يا عين امها بتخرف وهي نايمه واوقات بتصرخ 
عدي حسبي الله ونعم الوكيل في ده اب... تعرفي احسن حاجه ان جدي لما محمد ابن عمي الله يرحمه قاله علي اللي حصل قاله مفيش بنات تعقد معاه تاني... دول بناتي انا وانا اولي بيهم وجبهم قعدهم معاه ... لسه كلامه بيتردد في ودني.... ولومت نفسي اوي اني اخترت جدي من الاول وسبت منه وبروج لبابا 
فيروز ايه يلا العبط اللي انت بتقوله ده 
عدي لا يا رزه متفهمنيش غلط انا قصدي اني كنت لازما ابقي زي ضلهم وكنت احميهم علي الاقل كنت منعت اللي حصل لبروج. 
فيروز طب ايه رأيك بقي اني فرحانه ان انت مروحتش مع ابوك من الاول... علشان ڠصب عنك كنت هتتطبع من طبعه وطبع اقوك فاسد... مش هو ابني اهو بس فاسد واخلاقه اتعدمت... ويا سيدي بروج ربنا بعتلها منذر ابن عمك الله يرحمه نفذها.... راخر بروج بعد مۏت منذر ربت ابنه لدرجه ان بيقولها يا ماما حنينه عليه اوي 
اتلفت عدي حواليه 
عدي الا هو فين ابن منذر مشفتوش من اول ما جيت 
فيروز مسكت رأسها فجر !!!.....يأختااااااي صدعلي

دماغي اه والله وخلي بروج اختك تشد في شعرها قعد يزن علي دماغها علشان يطلع الرحله وفي الاخر وافقت اختك المتعوسه مهو مبتقدرش ترفضله طلب ..... وكل شويه يا قلبي امها تمسك تليفونها تتصل بالمشرف ... تطمن عليه... 
وكملت فيروز وهي بتلوي بوزها الرحله هتعقد تلت ايام اما