روايه ابني ليل الكاتبه اميره اسامه

هتجيبي الخلق منين بعد ما عرفتي ان اللي ما تتسمي رجعت وبعد ما عرفتي ان صاحبتك دعاء اللي كنتي حاطه راسك براسها ضحكت عليكي 
بصتلها سونه وسكتت
مها ايه ادتك الصابونه يابت وفضلت تنيم فيكي لحد ما اتفقت مع اللي ما تتسمي انها ترجع ومش بعيد تحاول تقربها من كرم ومش بعيد كرم يسامحها عشان بيحبها
سونه مهاااا اطلعي من نافوخي انا بنقولك اهو انا شياطين الدنيا بتلعب في نافوخي بمفك انتي جايه يا اختي ټحرقي في دمي ولا ما صدقتي يابت تمسكيني من ايدي اللي بتوجعني
مها ايووووه وانا قولت ايه بس انا بنفطمك وبنوعيكي وبنفتح عينك على السوسه اللي كنتي راميه روحك في حضنها عشان تكيديني انتي وهي مش كده يابت واهي باعتك في لحظه وكانت عارفه ان السنيوره راجعه
سونه وايه اللي عرفك انها كانت تعرف ما يمكن اتفاجئت زي ما الكل أتفاجئ
مها احيييييه كنت بنفكرك اذكي من كده طلعتي سيط ولسان على الفاضي عموما لا يا اختي كانت تعرف وبكر اللي قالي 
سونه انتي عايزه ايه يا مها
مها جايه يا اختي نقولك اني عندي استعداد نفتحوا صفحه جديده مع بعض ونحطوا أيدنا في ايد بعض قولتي ايه
بصتلها سونه ورفعت حاجبها وشهقت شاهقه عاليه
سونه بقي انتي جايه تحطي ايدك في ايدي احيه ده انا نصدق اي حاجه إلا دي
مها ايووه عليكي ومتصدقيش ليه يا اختي
سونه يابت ده انتي لو تطولي تخرجيني بجرسه من هنا هتعمليها عشان نبعدوا بس عن اخوكي
مها احيييه وايه اللي جاب سيره اخويا الوقت لا هو انتي فاكره يابت اني ممكن نخليكي تقربي منه
سونه امال ياختي جايه تحطي ايدك في ايدي ليه
مها هنرجعوا مع بعض شقاوة زمان فاكره يابت لما كنا نحط حد في راسنا ونخليه يكره اليوم اللي اتولد فيه
سونه ودي حاجه تتنسي انتي اللي نسيتي
مها واديني راجعه نفتكر اهو ونرجع اللي كان يا بت
سونه تقصدي ايه
مها اقصد ان السنيوره طبت علينا من غير إحم ولا دستور تتحمل بقي اللي هنعمله فيها هنحط ايدنا في ايد بعض ونكرهوها في عيشتها ويا ترجع ما كان ما كانت وتقول حقي برقبتي يا هنخلي عيشتها سواد قولتي ايه معايا يا بت
سونه بإبتسامه رفعت حاجبها وعجبها الخطه معاكي يا اختي
مها يبقي اتفقنا وبالمره نعلم مها الكلب الادب 
سونه ودي كمان سيبيها عليا خلينا نطلعوا فيها غلنا 
مها يبقي اتفقنا يا عروسه المولد سلاام
سونه اتلمي يا مهاا
ضحكت مها ومشيت وسابتها
ابتسمت سونه بسعاده وقررت تستغل موقف مها منها تطفش دره ومنها تقرب منها عشان اخوها
بص بكر في الساعه واستغرب كرم اختفي مره واحده ومقالش رايح فين ولحد الوقت مجاش طلع موبايله من جيبه واتصل عليه
بكر انت فين يا جدع غطست فين
كرم بصوت باين عليه انه بيضحك طيب اقفل اقفل انا قدامك اهو
بص بكر واول ما
لمحه بيقرب قفل
بكر ماله ده
كرم ولا يا منكششششش
منكش نعمين يا معلم كرم
كرم بنقولك ايه عايز فنجان قهوه لا عملت قبله قبل كده ولا هتعمل بعد
منكش بس كده ده انا هنطلعلك كنكه جديده وكوبايه جديده وهنبعتوا نجيبوا البن من البرازيل احنا عندنا كام معلم كرم
كرم اهو كده ولا يا ولا
منكش وعندددددك واحد قهوه كنكه جديده بن وارد البارزيل وسكر محلي محطوط عليه كريمه
ضحك كرم وهز راسه وراح علي بكر
بكر بضحك عجبك الدماغ اللي عملها علينا ابن الصرمه ده
كرم بضحك ايه كنت عايز ايه
بكر في ايه يا جدع مالك مش مريحني بتضحك ومبسوط وكنت مختفي ايه هااا
كرم هيكون في ايه يعني كنا بنقضوا مصلحه ولو عالضحك عادي مبسوط تكرهلي
بكر لا منكرهش طبعا بس عليا انا ده اللي ربي خير من اللي اشتري 
كرم بابتسامه جميله عايز ايه يا بكر
بكر ناوي على ايه يا صاحبي
كرم مسك السکينه والمسن كل خيررررر
بكر استر يا اللي بتسترررررر
كرم ولا يا ولااااا معانا يارب نزل بالسکينه على اللحمة وهو بيضحك
عدي الوقت بسرعه وبعد العشاء نزلت دره مع دعاء على تحت بعد ما طمنت بناتها وقالتلهم انها هتتكلم معاهم بهدوء
دعاء مالك يا بت مش على بعضك ليه
دره مش عارفه قلقانه شويه
دعاء متقلقيش يلا ادخلي 
فتحت دعاء الباب ودخلت هي ودره كانت داخله بتقدم رجل وتأخر رجل
دعاء سلام عليكم
الجميع ردوا السلام 
دره احمممم مساء الخير
زكريا مساء الخير
وطبعا نبيله وعبدالله مردوش
دعاء تعالي يا دره اقعدي
قعدت دره جنب دعاء وفضلت عينها في الارض الصمت دام دقايق وكل ثانيه بتعدي كانت بترتبك اكتر 
قطع الصمت ده زكريا 
زكريا فين بناتك
دره وهي باصه في الارض فوق
زكريا وانتي يا دعاء الولا حسن فين
دعاء نزل بعد ما اتعشي وقال هيروح عالبحر شويه
زكريا طيب خليه يتبسط
رجع الصمت من تاني دره كانت مش قادره تبص لنبيله
اما نبيله كانت قاعده حاطه رجل علي رجل وساندها خدها علي ايدها وعينها علي دره
صوت نفس دره كان مسموع للجميع
حبت دعاء تغير

المود العام وقبل ما تقوم وتسألهم تشربوا ايه بلعت كلامها اول ما سمعت صوت نبيله وفضلت في مكانها 
نبيله رجعتي ليه
رفعت دره راسها براحه وبصتلها عشان تتأكد ان السؤال ليها
دره مبقاش ليا مكان هناك
نبيله طبعا مش جوزك طلقك
دره ايوه
زكريا اتطلقتي ليه 
دره بهدوء عشان حجات كتير حصلت مش حابه اشغل راسكم بيها
نبيله لا معلش احنا عايزين نعرفوا اللي بعتينا بسببه عمل معاكي ايه
دره بلعت ريقها بوج ع وعينها اتجمع فيها الدموع بس مسكت نفسها عبدالله كان باصصلها ومركز معاها وساكت
دره يعني هو لحد قبل ما انزل بحوالي اسبوعين تلاته مكانش في بينا اي حاجه خالص وطول عمره كويس جدا معايا بس اكتشفت انه متجوز صاحبتي من تلات سنين واتفقوا مع بعض ياخدوا مني كل حاجه فلوسي والشركه والڤيلا وكل حاجه
عبدالله وخدهم ازاي ايه كان مديكي منوم
فضلت دره عينها في الارض
دره كنت عملاله توكيل عام
عبدالله لا شاطره 
دره التوكيل ده بقاله سنين هو كمان كان عاملي توكيل بس لما عرفت اللي حصل عرفت انه كمان وقف التوكيل اللي عامله ليا
زكريا وليه عمل كده
دره معرفش صدقني بس كل اللي اعرفه ان يوسف كان بني ادم كويس وعمره ما زعلني وطول عمره واقف جنبي وبيدعمني اتغير ليه وازاي وامته معنديش تفسير
نبيله لسه معندكيش تفسير ايه معرفتيش لسه انه واطي بس ما علينا مش موضوعنا ده اختيارك ودي نتيجته اشربي بقي
بلعت دره ريقها وكأن في غصه في حلقها خنقاها بسسب كتم دموعها
نبيله المهم انا طلبت اننا نتكلموا معاكم في حاجه مهمه حاجه بقالي 
سنين مخبياها وساكته بس جه الوقت اللي نقولها مدام ناويتي تفضلي معانا 
بصلها عبدالله حاجه ايه يا امي
نبيله بيتهيألي يا عبدالله جه الوقت اللي يعرفوا فيه كل حاجه المحروسه رجعت وناويه تقعد هنا وانا وانت عارفين كويس ان اللي جوه كرم مش هيهدي ومعنديش استعداد اشوفها واقفه تبجح في وشه وهو ليه حق
دره حق ايه انا مش فاهمه حاجه
زكريا حاجه ايه يا نبيله اللي منعرفهاش
نبيله تتكلم انت يا عبدالله ولا نتكلم انا
سكت عبدالله بحزن وبعدين بص لدره
دره في ايه يا عبدالله
عبدالله الفتره اللي بدأتي تقولي فيها انك مش هتقدري تكملي مع كرم وقتها انا وانتي كنا بنتعارك كتير حتي كرم مكانش عارف في ايه بيني وبينك وانتي وقتها مكنتيش مدياله ريق حلو
لما عرفت انك بتحبي حد تاني وجيتي تقولي لابويا انه عايز يتقدملك وانك بتحبيه وهو بيحبك في اليوم اللي حصلت فيه العركه الكبيره اللي كرم اتسجن فيها سنه
بسبب قتل خطأ
اليوم ده انا وانتي وامي كان داير بينا عاركه كبيره وابويا يومها وقع من طوله
بليل انا نزلت وانا مش شايف قدامي وحصل بيني وبين خالد ابن المعلم منصور شد وفجأه بقت عاركه والشارع اتقلب ويومها
دره يومها ايه كمل يا عبدالله
سكت عبدالله ومعرفش ينطق
نبيله يومها في وسط الخڼاقه وهما بيهوشوا بعض وفي وسط الزحمه بتاعت العركه عبدالله ضړب خالد في بطنه
دره 
دعاء اييييه
زكريا يعني ايه يعني مش كرم اللي مۏته
نبيله بدموع لا مش كرم يا زكريا عبدالله اللي مۏته كرم يومها خد باله وجري على عبدالله وقاله ابعد
عبدالله بوج ع بس هو مرضيش وصمم قالي ابوك تعبان ومحتاجك تقف جنبه لو عرف هيروح فيها خليني انا بدالك ومش هتسجن ولا حاجه دي هتعتبر قتل خطأ في وسط العركه يعني هخرج منها صدقت اللي قاله بس بعدها خد سنه سجن وقولت اني هنقول كل حاجه بس هو مرضيش قالي خلاص اللي حصل حصل خليك جنب ابوك وخليك مع دره وبلبله
نبيله كان خاېف عليك يا زكريا ومرضيش اخوكي يتسجن عشان متبقيش بطولك يا دره هو فكر انه هيخرج منها بس حتي لما خد السنه مبينش انه اضايق بس انتي عملتي ايه فضلتي مصممه على اللي في راسك واعتبرتي ان اللي حصله ده فرصه ولازم تقفشي فيها
صحيح هتتجوزي رد سجون وقاټل فضلتي تزني وانا وقتها مقدرتش اتكلم كرم حلفني منقولش ليكي حاجه انتي وابوكي
دره 
نبيله وطبعا قلعتي الدبله وقولتي لابوكي انك لو متجوزتيش اللي حبتيه مش هتتجوزي غيره وفضلتي تتحايلي وتقولي ان مستقبلك معاه وسفرك بره معاه بشهادتك هيبقي احسن ليكي
زكريا بوج ع وانا عشان نخلص من الحدوته دي وعشان شوفت ان يمكن تكون دره معاها حق وان كرم مينفعهاش قولتلها اعملي اللي يريحك بس مكناش نعرفوا كل ده
نبيله ووقتها ابوكي ٱكراما لعشرته مع رفاعي رفض يحضرلك حاجه وقالك لو مصممه تتجوزي يبقي تتجوزي من غيرنا
زكريا مكنتش قادر نقف في وشها وفي نفس الوقت مكنتش قادر ندوس على العشره قالتلي قدامه اسبوعين ويسافر ولازم نخلص ورق السفر والدراسه وكل حاجه مكنتش عارف نعمل ايه نقف في وش مستقبلها ونضيع من ايدها حلم ولا نقعدها ڠصب عنها ولا نجوزوها كرم اللي اتسجن في قضيه قتل
نبيله وانتي اتجوزتي بس مهونتيش علي ابوكي تبقي بطولك قدام جوزك وبعتلك اخوكي يقف معاكي ويبقي وكيلك عشان مترخصيش في عين جوزك
وبعدها مشيتي وزكريا قال لرفاعي كل شئ قسمه ونصيب وعرفه انك اتجوزتي كانت صډمه ليهم كلهم فينا اتجوزتي ازاي وامته طبعا ابوكي مقدرش يصارحهم من الاول ولا انا قدرت نرفع عيني في عين نجوى او كرم بس بعدها كرم عرف وحاله اتبدل
كل حاجه حلوه كان عايش عشانها راحت في يوم وليله من بين ايده
اللي كان بيحبها وباعته وصاحبه اللي وقف معاه و شال بداله مصيبته وهو يروح بنفسه يجوزها لغيره وحتي حلمه انه يبقي دكتور راح 
انتي جيتي وناويتي تقعدي وسطنا وعشان كده تبعدي خالص عن كرم وعن اي احتكاك بيه اللي هو فيه كفايه عليه ولو عمل