قصه كامله

يبقى انت متعرفش مين جانا عاصم الدمنهوري
وفجأة رن هاتف جانا برقم غريب لم تجبه ولكنه طلبها مرة أخرى واخرى
فقررت أن تجيبه
المتصل اييييه يا هانم ساعة عشان تردي !!
جانا افندم انت مين يا عم الغتيييت
المتصل اييييييه مش عارفاني ماهو لو تبطلي قلة ادبك دي هتعرفي أنا مين
سهير جانا حبيبتي انتي صاحية
جانا ييس أنطي في حاجة
سهير اه يا حبيبتي تعالي كلمي عمك حسين عاوزك
جانا انكل
حسين عاوزني خير 
سهير مش عارفة تعالي بس
جانا اوك يا أنطي
وتوجهت جانا إلى حيث يجلس عمها حسين في غرفة مكتبه 
جانا
خير يا أونكل حضرتك عاوزني
حسين ايوه يا جانا يا بنتي خدي كلمي
جانا أكلم مين
حسين بابتسامة خدي بس وانتي هتعرفي
فأخذت جانا الهاتف من عمها لترد على المتصل وتركها عمها وتوجه لخارج الغرفة
جانا برقة ألوو أنا جانا مين معايا 
المتصل بسخرية فكراني مش هعرف أوصلك بس ايه يا بت الرقة دي كلها انا مش واخد على كده هههههههههههههه
جانا انت مين 
معرفتنيش 
جانا بنرفزة هتقول ولا أقفل في وش أهلك السكة 
المتصل لمي نفسك يا بت ماهو انا اللي هربيكي وأعرفك تكلمني ازاي
جانا پصدمة بتقول ايه 
عز بثقة أيوه يا روح امك فاكرة نفسك انتي بس اللي بتعرفي تطولي لسانك أنا لو اطول هقطعهولك !!!!!
جانا احترم نفسك معايا وإلا.........
قاطعها عز بصي بقى يا حلوة شغل فرد العضلات ده ياكل مع أي حد إلا أنا فاهمة
جانا هو أنت أصلا شوفت حاجة انت وقعتك سودة اقفل أحسنلك!!
جانا بتحدي ده بعينك وأعلى ما في خيلك أركبه....
وانهت المكالمة دون أن تنتظر منه أي رد ثم تركت غرفة المكتب
حسين ها كلمتي عز 
جانا بضيق اه يا انكل وبعدين مش انا قولت لحضرتك اني مش موافقة يبقى ايه لازمته نفتح الموضوع ده تاني و تخليني أكلمه 
حسين مكدبش عليكي انا مش هلاقي أحسن منه أناسبه ادي نفسك فرصة بس تتعرفي عليه واهي الخطوبة قدامكوا تدرسوا بعض في .........
جانا مقاطعة انا مش عاوزة اتخطبله يا انكل حضرتك ليه مش عاوز تسمعني
حسين أيوه يا بنتي هو طلب انه يكلمك عشان يتفاهم معاكي لأنه مقدر ظروف انك محرجة ومش واخدة ع النظام هنا
جانا يا سلااااااااااام وحضرتك صدقته
حسين الشاب مفهوش حاجة تتعيب ادي نفسك فرصة تعرفيه الأول وبعد كده يا نكمل الموضوع يا خلاص ستوب لحد كده !!
جانا لأ ياانكل وليه أحط نفسي في التجربة دي سوري مش هقدر
حسين بصي مش هسمع رد منك الوقتي فكري وبعد كده نتكلم يالا يا حبيبتي ارتاحي احنا تعبنا النهاردة بس قوليلي ينفع تكبي العصير عليه بالشكل ده ههههههههههههه كسفتي الشاب.
جانا يستاهل آآآ .. قصدي مكنتش اقصد الصينية وقعت ڠصب عني
حسين بمكر ڠصب عنك برضوه 
جانا احم... اه كانت تقيلة اوي طيب أنا هاقوم أرتاح تصبح على خير يا انكل
حسين تلاقي الخير يا بنتي
ظلت جانا طوال الليل تفكر في طريقة للتخلص من التدبيسة كما أسمتها بأقل الخسائر الممكنة ..
ياسين يابن اللاعيبة يا عز حد يعمل كده برنس والله
عز البت مستفزة يا سينو وحبت تعملهم عليا فأنا فكرت بما ان بابا مصمم اننا نناسب عيلة الدمنهوري وانا مش عاوز أتجوز أصلا والبت دي شايفة نفسها عليا يبقى فرصة نخبط عصفورين بحجر منها أرد اعتباري واخلص القديم والجديد م البت دي ومنها أبقى خطبت ولو فركشت هيكون عادي مخسرتش ابويا ولا أي حاجة..
ياسين لأ تفكير جهنمي الصراحة
عز بخبث مسندا ذراعيه خلف رقبته ومتكئا على مقعده لأ ولسه ده لعب على كبير يابني ... ده احنا لسه بنقول يا هادي ......... !!!
نودي قصة ... دعني أحطم غرورك !!
الحلقة التاسعة 
عز كان يشعر بالثقة بل ويزداد غرورا وهو يرى نفسه فتى أحلام الكثير من الفتيات ولكن 
عز بابا انا هاخد اجازة يومين من الشغل حبيت بس أعرفك عشان متقلقش عليا
يوسف طيب ومقولتليش الكلام ده في البيت ليه 
عز يعني انت عارف ماما وكده هتسأل مش بروح الشغل ليه وايه الجديد وانا ورايا كام حاجة كده عاوز أعملها
يوسف موضوع خطوبتك على جانا صح ولا انا غلطان 
عز يعني حاجة زي كده
يوسف طيب يا بني هاتلي بس الملفات المستعجلة أشوفها وهما يومين بس أجازة وبعد كده نكمل
عز تمام يا بشمهندس
وترك عز الدين والده وأنهى بعض الأمور في عمله بسرعة ثم توجه للفيلا ليبدل ملابسه
تآنق عز كعادته وارتدى جينز مع تي شيرت
أسود ووضع عطره المميز وارتدى ساعته ثم انطلق خارج المنزل بعد أن ألقى التحية على عم خميس الجنايني ليبدأ أولى التحديات
في منزل المهندس حسين الدمنهوري
كانت جانا نائمة حينما جاءت إليها سهير مسرعة لتوقظها
سهير جوجو حبيبتي اصحي يا قمري بسرعة
جانا بليز أنطي سيبيني أنام انا تعبانة
سهير قومي يالا بلاش دلع عز موجود بره وأعد منتظرك
جانا بتثاؤب عز مين 
سهير عز خطيبك
سهير وهي تنزع الغطاء قومي بقى دينا أعدة معاه بره لحد
ما تخرجي تقابليه يالا بلاش كسل
جانا يوووووووووووه بقى والله لأعكنن عليك نهارك زفت
خرجت سهير لتجلس مع عز ودينا
سهير نورتنا يا بني
عز ده نورك يا طنط معلش أنا أسف اني جيت من غير ميعاد بس كنت حابب اتكلم مع جانا شوية ده لو ميزعجكش حضرتك وفي وجود عمي حسين
سهير بيتك يا بني تجي في اي وقت و.....
دينا بسهوكة مقاطعة الحوار انت أمور اوي لمين
عز أفندم
دينا يعني انت حلو لمين لباباك ولا مامتك
عز لأ الحقيقة انا مش شبه حد يا آنسة دينا..
دينا لأ انت قولي دينا على طول وأنا أقولك عز
عز مش ملاحظة انك اخدة عليا أوي
دينا باحراج سوري مقصدش بس احنا خلاص هنبقى عيلة وكده فيعني مافيش داعي للتكليف
عز اها ..
سهير بس يا دودي سيبي البشمهندس عز في حاله متضايقهوش معلش يا عز يابني زي اختك الصغيرة برضوه!!
عز ولا يهمك يا طنط .
سهير ها يا بني قولي تحب تشرب ايه 
عز شكرا يا طنط مش عاوز حاجة والله
سهير لأ يا بني لازم تشرب وتاكل حاجة قولي انت فطرت طيب 
عز بخبث اه الحمدلله يا طنط اومال فين عمي حسين هو مش موجود هو يعلم ان حسين لن يتواجد الآن بالمنزل وسيتأخر في الحضور نظرا لوجوده مع والده في شركتهم الآن 
سهير لأ يابني زمانته جاي في السكة مسافة ما تاكل
وتشرب هتلاقيه جه أنا هاقوم أكلمه ...
عز يجي بالسلامة يا طنط حتى تكون جانا جهزت نفسها
دينا قولي يا بشمهندس عز ايه رأ...................................
تركت سهير عز ليجلس مع دينا وذهبت لتحادث حسين في الهاتف ولكنه غير متاح فقررت أن تحضر العصير والحلوى لعز وتهاتفه مرة أخرى
في تلك الأثناء ارتدت جانا ملابس الخروج وهي عبارة عن سويت شيرت رمادي غامق بنطلون جينز تي شيرت أسود نظارات وجه سوداء وحقيبة يد cross ثم خرجت من غرفتها بهدوء شديد وألقت نظرة خاطفة على غرفة الصالون وتأكدت أن أحدا لا يراها وان عز مشغول في الحوار مع دينا وسهير.. وضعت غطاء السويت شيرت على رأسها وكذلك النظارات كي تخفي ملامح وجهها ثم ....
فتحت جانا باب الشقة بهدوء واغلقته بنفس الطريقة وتوجهت للمصعد ونزلت للجراج حيث توجد سيارة عز .. وقد لمع في عقلها فكرة شيطانية
اخرجت جانا هاتفها المحمول لتطلب دينا
جانا مش انا بطلبك مش بتردي ليه hey Dody listen من غير ما يحس البأف اللي أعد معاكو عاوزاكي تشغليه لحد ما أخلص حاجة كده ..
دينا بهمس ايه يا جانا انتي فين الوقتي 
جانا شششششش ايه يا بنتي هتفضحيني وطي صوتك شوية بصي أنا بره البيت تحت في الجراج لو لاقيتي البلوى ده عاوز يشوفني اشغليه بصي ارغي معاه لحد ما اديكي التمام ها done 
دينا بتردد done 
جانا باي بقى عشان ألحق أنجز
دينا بقلق باي....
لم تكن جانا تعلم أن عز الدين يستمع لكل كلمة تقولها أثناء مكالمتها مع دينا لأنه بكل بساطة قد أخذ الهاتف من دينا حينما أخبرته بعفوية قبل لحظات 
دينا ايه ده جانا هي بتطلبني ليه 
عز بحيرة جانا هي مش موجودة جوه 
دينا مش عارفة 
عز طب ردي عليها وافتحي ال speaker
دينا پخوف لأ مش مهم
عز بحدة بقولك افتحي واعملي اللي قولتلك عليه!!!!!
بعد انتهاء المكالمة كان عز على وشك الانفجار .. ولكنه تحامل على أعصابه واخذ يكور قبضتيه بشدة فهو في قمة غضبه الآن .. ودينا كانت خائڤة من منظره
دينا في سرها ربنا يستر الظاهر اليوم ده مش هيعدي على خير شكله كده هيصور قتيل الوقتي !!!
في الجراج 
كانت جانا تبحث عن سيارة عز الدين وبالفعل وجدت ضالتها
بدأت جانا باخراج دبوس من حقيبتها الصغيرة العجلة الخلفية لسيارة المرسيدس وجلست على ركبتيها ثم مالت نحو الاطار الخلفي للسيارة وحاولت أن تفرغ الإطار من الهواء
جانا لنفسها وده بيتفضى ازاي ده فين البلف يووووه لازم اشوف طريقة انيمله بيها الفردة بسرعة
وإذ بصوت يأتي من خلفها أرعبها
لأ عنك انتي أنا هأقولك بنيم الفردة ازاي 
ألجمت المفاجأة لسان جانا بل انها كادت أن ټموت ړعبا من هول الصدمة .......... !!!
نودي قصة ... دعني أحطم غرورك !!
الحلقة العاشرة 
بدأت جانا باخراج دبوس من حقيبتها الصغيرة 
العجلة الخلفية لسيارة المرسيدس وجلست على ركبتيها ثم مالت نحو الاطار الخلفي للسيارة وحاولت أن تفرغ الإطار من الهواء
وإذ بصوت ياتي من خلفها أرعبها
لأ عنك انتي أنا هأقولك بنيم الفردة ازاي 
التفتت جانا بظهرها لتجد عز الدين يجلس على إحدى ركبتيه
وفي محاذاتها بل انه كان قريبا جدا منها...
ألجمت المفاجأة لسان جانا بل انها كادت أن ټموت
ړعبا من هول الصدمة .......... !!!
فتراجعت للخلف لتستند بظهرها على الاطار في محاولة يائسة منها لتبتعد عن عز
عز ايه يا قطة مش كنتي تقوليلي أجي أساعدك
جانا آآ... أنا ... آآآ .......
عز ايه مالك مش عارفة تردي مش بعوايدك يعني 
عز بعصبية بعد أن حطم نظارتها بيده .. تحرقه سمعاني.. تحرقه وانتي يا حلوة لعبتي بيها يبقى تستحملي بقى !!
جانا بشدة ابعد عني اوعى من سكتي !!
عز علي صوتك كمان محدش هيسمعك هنا
جانا محاولة أن تبدو متماسكة آآآ... انا مش خااايفة منك امشي ياض من وشي انت غاوي تجيب لنفسك الكلام
عز مقتربا اكثر منها قولي قولي ما أنا متعود منك على طولة لسانك اللي عاوز القطع وأخره كان بأف وبلوى!!
ولمحت سيارة عمها قادمة من بعيد 
جانا بتحدي انكل حسين جه استلقى وعدك يااااا .. بأف ان مافضحتك وخليته يربيك !
ثم جرت مسرعة نحو سيارة عمها ولكن عز الدين قد لحق بها ووضع يده على فمها ليكممه وكبل كلتا يديها بيده الأخرى واختبئ بها خلف أحد الأعمدة حتى لا يراه عمها حسين
حاولت جانا أن تتحدث أو حتى تفلت منه ولكنه قد احكم قبضته على فمها
عز بصوت