قصه مشوقه

وشمتي في ولما سيبتهولك جايه عايزه تسبيه ولا أنت بتخططي لأيه يا دعاء.
أنت معاي!!
بصيت لها وقولت
يعني
هتعملي أيه!!
بفكر أطلب الطلاق منه أول ما نرجع
هزيت راسي وقولت
براحتك بس من رأيي متستعجليش
بصيت لي وقالت
غريبه مع أنك المفروض أول واحده تستني خبر زي ده عشان ترجعي له
ضحكت وقولت
أرجع له لؤي ده أخر واحد أفكر أرجع له وكمان تميم مخليني مبصش لحد تاني وبصراحه أنا أحب أشكرك جدا يا دعاء لأن بسببك هو بعد عني والصراحه ده كان مكسب لي أني أقابل شخص زي تميم
سكتت وبعدين قالت
آه طب أنا هقوم بقى
هزيت راسي وطلعت نمت وصحيت علي صوت الباب ابتسمت وفتحت الباب بس ابتسامتي أختفت تماما

لؤي!! في حاجه!!
هند أنا مش قادر بجد مش قادر
كنت بهرب بعيوني وقولت
مش فاهمه يعني أيه ومالك بتتكلم كده ليه لؤي هو أنت سکړان!!
بدأ يهرول في الكلام وقال
أنا لاء لاء مش سکړان أنا بس عايزك
مسك أيدي وسحبتها منه بسرعه وقال
هند أنا كل يوم بيفوت علي بندم عليكي هند أنا كل مره بقارن بينك وبين دعاء بحس أن جواي ڼار ڼار مش قادر أهديها أزاي سيبتك عشانها ده أنا طلعت أعمي وغبي أوي أنا مستعد أطلقها والله بكلمه منك ونفتح صفحه جديده
بعدت عيوني عنه وقولت
لؤي اللي بتعمله ده مينفعش وغلط جدا أنا مقدرش أعمل حاجه زي كده أبدا
طب مهي عملت فيكي كده يا هند
پغضب مكتوم قولت
أنا مش زيها ولا دي شخصيتي ولا دي تربيتي اللي بيني وبينك خلص من أول مروحتلها يا لؤي وبصراحه حتي لو سيبتها سنين وجيت لي أنا مقدرش أسيب تميم
قفل قبضة أيديه بعصبيه وقال
ليه!! ده اللي بينا كتير يا هند عايزه تقنعيني أنك حبتيه أكتر مني!! ده أحنا بينا سنين
ابتسمت ڠصب عني وفجأه حسيت أنه جه علي بالي وقولت
القلب يا لؤي مهي مش بالسنين باللي يقدر وتميم قدرني صح عرف يحتويني عرف يحبني بالطريقه اللي أستاهلها عرف يكونلي راجل أعرف أتسند عليه يوم ما أغمض عيني أحس أنه بجد أمان لي
طب وأنا يا هند نستيني!!
ابتسمت بكبرياء وقولت
نسيتك حاول تفتح صفحه مع دعاء أنما أنا خلاص كده أنا شوفت حياتي وحياتي متنفعش من غير تميم عن أذنك
قفلت الباب واتنهدت بفرحه حسيت أن روحي رجعت لي حسيت أني أرتاحت.
حطيت أيدي علي قلبي اللي بينبض من فرحته وقولت
أخيرا هنرتاح أحنا موجعنهوش أحنا ردينا كرامتنا وعملنا الصح
قررت أطلع من الأوضه وأعرف تميم باللي حصل أكيد هيفرح لي فتحت الباب ولقيته في وشي
تميم كنت جيالك
ابتسم وقال
ليه!!
بدأت أحكي له وأنا مبسوطه بس طبعا مقولتلوش كلامي وقال
طب كويس حقك رجعلك
هو أنا ممكن أسألك سؤال!!
مسك أيدي وشدني برا الأوضه وقال
هسببك تسألي أي سؤال أنت عايزاه بس تعالي ننزل نشرب حاجه
ضحكت ومشيت معاه وأنا قلبي من فرحته بيطير حوالينا نزلنا تحت وقعدنا في الأستقبال وطلبنا قهوه ونيسكافيه
حط أيديه علي خده علي التربيزه وقال بتركيز
سؤال أيه!!
حمحمت وقولت
هو لو يعني بص
قاطعني وقال
خشي في السؤال علي طول
لو دعاء حبت أنها تطلق من لؤي ومثلا جت أعترفت لك بحاجه يعني هتعمل أيه!!
بستغراب قال
أيه السؤال المفاجئ ده
ابتسم بمغازله ومسك أيدي وقال
وبعدين في حد تبقى معاه يا ست البنات ويفكر يبص لغيرك
ابتسمت وقولت
تميم هما مش معانا دلوقتي تقدر تتكلم علي طبيعتك
ضحك وفرد ضهره علي الكرسي وبعد عيونه وقال
لاء يا ستي مش هقبل لأنها مرات صاحبي مينفعش أصلا ده
يحصل
لقيت رقم غريب بيرن علي تليفونه استغربت وهو ذات نفسه استغرب جدا بس رد
تميم أنا دعاء ممكن متعرفش هند أن أنا!!
أسميته_تميم 
بقلم هند_إيهاب
السابع
فضل ساكت طول المكالمه رفعت حاجبي وأنا مستغربه سكوته اتنهد وقفل.
فضلت بصه له وعيونه دارت حول المكان وقال
دي دعاء
رفعت حواجبي من المفاجئه وقولت
فعلا!!
هز راسه وقال
صوتها كان غريب ومصممه أنها تتكلم معاي
ربعت أيدي وقولت
وهتعمل أيه!!
هاروح أشوفها عايزه أيه ممكن تكون عايزاني في حاجه مهمه أو عايزاني ألحقها من حاجه
ابتسمت بزعل وسكت وقال
طب ما تيجي معاي
قومي بس
قومنا وأنا مش فاهمه حاجه روحنا عند الرمله في مكان بعيد جدا ميخطرش علي بال حد كنت مستغربه جدا ليه المكان ده لمحڼاها من بعيد وقررت أني أكون بعيده ومعرفهاش أني موجوده.
قرب منها وقال
خير يا دعاء في
حاجه
حطيت أيدي علي شفايفي عشان أكتم شهقتي وأنا شايفاها بتحضنه حسيت أني دمعت وأن في حاجه جواي بتغلي.
عيونه كانت علي فضل ثابت وأيديه جمبه وقالت
تميم أنا محتاجه لك أوي
بهدوء بعدها عنه وقال
محتاجه لي أزاي!!
أنا الفتره دي حسيت أني أتسرعت أوي بجوازي من لؤي حسيت أن في شخص تاني يستاهلني أكتر من لؤي أنا في وجودك بحس بقيمتي حاسه أن هند متستاهلكش وأن مفيش واحده تستاهلك غيري
فضلت أقرب وأنا سامعه كلامها عني وقالت
هند أنانيه أوي يا تميم أنت متستاهلش كده عارف هي كانت بتستغل لؤي جدا وبسببها هو دخل في حالة أكتئاب أنت عارف هند هند مبتحبكش هي بتحاول تبين أنها بتحبك عشان توقعك في الفخ وتحبها وبعد ما تحبها هتسيبك زي لؤي
ابتسم وقال
ده بجد!! مع أننا قعدنا فتره مرتبطين وبقولها بحبك وعرفت قد أيه أني بحبها ليه مبعدتش عني
سكتت وقال
أنت كدابه يا دعاء وكدبك باين عليكي تقدري تقوليلي واحده متجوزه زيك سايبه جوزها ومحتاجه واحد تاني غير جوزها ليه!!
رفع أيديه وشاور لي أقرب بصت وراها ولقتني بصت لي پصدمه وبعديها بصيت له.
أنت قولت لها!!
هز راسه وقولت
أنت واحده مريضه يا دعاء مريضه ومرضك ده عاميكي تفتكري لو لؤي عرف باللي قولتيه ده هيكمل معاكي
ضحكت وقولت
هو أنت ليه الرجاله اللي في حياتي بتاخديها لاء بجد ليه أنا مش هقولك غير أن ربنا يهديكي يهديكي بجد
مسكت أيديه وقولت
تيتو أنا جعانه وعايزه أتغدا معاك
ابتسم وقال
عيوني يا قلب تيتو يلا بينا
كانت واقفه بتبص لي بغل وبتبص لي وكأن يا ليتني لم أظهر في حياتها من قبل مشينا وبعدنا عنها.
أنا مش عايزه لؤي يعرف
هز راسه بتفهم وقال
مينفعش يعرف حاجه زي كده أصلا
وقف وبص لي وقال
هو أنت إزاي كنتوا صحاب!! أزاي كنتوا صحاب بالغل ده أنا شايف في عينيها غل من ناحيتك مش طبيعي
ابتسمت وقولت
دعاء مكنتش كده زمان بس هي لما شافت لؤي وطريقته معاي حبت تكون مكاني بس أظاهر كده أنها مخدتش منه اللي كان بيعمله معاي والدليل أنها حاولت معاك
شوفنا لؤي وكان باين عليه القلق لما شافنا سوا قرب وقال وهو بيبص لي
محدش شاف دعاء!!
تميم شاور في أتجاه وقال
كانت مع هند هناك
هز راسه وهو مازال يببص لي تميم قال
عينك يا حبيبي
ابتسم بتوتر وقال
معلش سرحت
مشي وتميم بص عليه لحد ما أتأكد أنه مشي وقال
أنا حاسس أني محتاج أعيد تفكيري في صحابي
بصيت له بستغراب وقال
وبالذات في لؤي حاسس أني مش عايز أعرفه تاني
مشينا بهدوء وقولت
ليه بتقول كده!!
تخيلي لو أحنا بنحب بعض زي ما هما شايفين وصاحبي بيحاول يقرب منك من وراي بجد حاسس أني أتخميت فيه أوي
ابتسمت وقولت
لو مرتبطين بجد ساعتها ليك حق تقول كده وليك حق تبعد عنه أنما أحنا في لعبه
قعدنا وقال
متأكده أنك شايفاها لعبه!!
حسيت بخضه دخلت جوه قلبي من نظرته