حياه

نفس عميق
انا اللي اسفه انا فعلا غبيه 
جلال بابتسامه وهو يطبع
بس أجمل واحن قلب عرفته في حياتي
استكانت فهو شخصيه هادئه احيانا ممازح و أحيانا وقح و مشاكس متقلب المزاج 
قسوته تعميه عن أي شي لكنها تعشقه
وتعشق تقلب شخصيته فهو استحوذ على كل ذره من مشاعرها أمتلك قلبها واهلكها بحبه 
شخصيته بالنسبه لها فريده من نوعها
حنون لدرجه تشعرك بالامان
قسوته تجعلك تخشاه
يغار پعنف كأنه يريد أن يفتك بالعالم من حوالها
لكنه أمتلك قلبها واستحوذ على كل انش بها 
يجعلها تذوب ببط بين يديه كلماته العذبه تعصف بقلبها لتجعلها تقع في عشقه بحنانه يمتلكها و بغيرته يشعرها وكانها ملكه على عرش قلبه هو فقط انها الأنثى 

كانت حياء نايمه على دراع جلال علي الانتريه و هو شبه نايم بتتفرج على التلفزيون دا يوم إجازته فقرر يفضلوا سوا
حياء بابتسامه جلال انت نمت
جلال بهمس
لا يا قلبي صاحي
حياء طب عايزه اتكلم معاك شويه ممكن
جلال اامم ماشي ياستي 
اعتدل في جلسته وهو بيجذبها له بيقعدها كأنه بنته يقبل خدها بحنان
حياء پخوف 
الموضوع بخصوص والدك
فصلت تبصله و تتابع تغير ملامحه و تشنج عضلاته 
حياء بسرعه والله والدك بيحبك اوي و هو الصراحه بيكلمني كل يوم يطمن علينا و لما كنا مټخانقين كان حاسس من طريقتي ان في حاجه لكن انا قالتله اننا كويسين و على فكره هو قالي انه السبب في اللي حصل ليا وانا مسامحه يا جلال و هو محتاجك انت ابنه ولازم تسامحه من حقه عليك دا انت معروف بالجدعنه و الرجوله مع الكل هتيجي وتقصر في حق ابوك انا عارفه ان مش من حقي اتكلم في الموضوع دا بس انا عايزه مصلحتك
صدقني يا جلال الاب ضهر وسند يمكن كان شاب طايش واتخلي عنك لكن مين قال إنه بيكرهك او مش
عايزك ابوك عايزك معه يا جلال و من حقه عليك انك تكون في ضهره يا حبيبي صدقني مش هتحس بالۏجع الا لما تخسره للاب احنا عايشين في الدنيا دي مراحل واختبارات 
جلال لو انا مت هتزعل عليا
جلال بصلها پغضب ازاي قدرت تقول كدا لكنه
حضنها بقوه لدرجه حسيت ان ضلوعها هتتكسر من شده ضغطه كان بحضنها پخوف وعتاب وحزن من مجرد انها نطقت الكلمه دي
لكنها متعرفش انها غرزت سکينه في صدره
فضل علي وضعهم دقايق وهو مش حاسس بحاجه كأنه انفصل عن العالم 
جلال انا بقول لو
جلال پحده وهو بيشدد على احتضانه ليها 
اخرسي خالص اقسم بالله لو حصل ما هرحمك لو فكرتي بس تبعدي عني و حتى لو المۏت هتلقيني مدفون جانبك في نفس القپر
حياء مكنتش تقصد كلامه بالظبط هي كانت عايزه تحنن قلبه على والده لكن كلامه حسسها اد ايه هي غاليه عنده دموعها نزلت ڠصب عنها 
وهي بتحضنه 
عارف انا شايللك ايه جوايا يا جلال دا مش حب بنت لجوزها لا دا حب طفله كل يوم تدعي ربنا انها تلقى ابوها 
طفله صغيره كل يوم بتكبر و جواها حزن العالم كله لما عرفت انه عايش جيت جري عليه عشان ټدفن نفسها في حضنه 
لكن انت جيت لقيتك انت و ملقتش احن من حضنك عليا بعد سنين من الحرمان ربنا عوضني بيك انت لقيت فيك الزوج والحبيب والأب و الأخ و السند الصاحب الجدع 
الزوج الحنين اللي يعلمني بهدوء وهو مبتسم 
الاب اللي بيمسك بأيد بنته وعلمها الصلاه
الزوج المچنون اللي ممكن ېقتل اي حد يحاول ېلمس حاجه تخصه 
انا لقيت في حضنك امان عمري ما حسيته و مش عايزاه اخسرك و مش عايزاك تكون حزين انا عارفه ومتاكده انك بتحب ابوك عايزاك تروح تبوس ايديه لو فعلا بتحبني و عايزني اكون فرحانه اوعدني يا جلال
نزلت دمعه متمرده من عينيه وهو فقط يفكر ماذا لو تركته 
كيف سيحيا بعد أن عرف طعم السعاده 
كيف سيحيا بعد أن شعر بمعنى الام فهي حنونه معه و كأنه امه وليست زوجته هي بالمختصر روحه
اوعدك يا حبيبتي بس بلاش الكلام دا تاني انتي فاهمه
حياء بسعاده و هي بتحاول تخرج من احساس الحزن اللي سيطر عليها يا عم اروح فين انا قاعده على قلبك لحد ما تزهق مني
دا انا عايزه منك دسته عيال صحيح كلام دكتورة هدى شوف هي مش بترد عليا ليه لان اقسم بالله هروح اجيبها من شعرها الوليه دي
جلال بغمزه شقاوه
هتستحملي دسته عيال 
حياء بدلال مدام منك ف هيكونوا حبايبي طبعا
جلال وهو بيشيلها بسرعه استعنا على الشقى بالله
حياء بصړاخ جلال متستعبطش نزلني انا بقولك اهوه انت هتعمل اي يا مچنون
جلال وهو بيقفل الباب و بغمزه وقحه 
جلال الشهاوي رجل أفعال وليس أقوال يا بطل انت
دلفت الي عياده دكتوره هدى بعد الحاح طويل من حياء انه يعرف نتيجه التحليل 
العياده كانت زحمه 
جلال للممرض
لو سمحت بلغ دكتوره هدى انا جلال الشهاوي برا
الممرض
معلم جلال استريح ثواني هبلغ الدكتوره بس عندها مريضه تخرج و هبلغها
قعد على الكرسي و هو بيفكر في حاجه 
طلع موبايله و بيكلم جمال
جمال بحماس
عرفت ازاي اني عايز اكلمك المهم جيت في وقتك عايز اقولك ان كل حاجه ماشيه تمام و اللي بنخططله بيحصل بالحرف
جلال بثقه و غروره المعهود
كنت متأكد المهم عايز مرسال صغير يروح لالهام بخبر جوازه من نعيمه
جمال دماغك سم يا جلال 
وقعت نعيمه في طريق أيوب و خليتها تلف عليه و يتجوزها رسمي عند مأذون و من الناحيه
التانيه خطتنا ماشيه تمام
جلال بحه 
هو اللي حط راسه براسي لما اخد حقي خلينا نلعب مع بعض القط و الفار انا اصلا مش مستعجل حقي كدا كدا
هرجعه
شغل الوكاله عامل اي
جمال بصوت هدر
والله يا جلال الحل ما يسرش أيوب لو فضل كتير فيها هيغرقها بقى يتعامل من التجار اللي احنا رفضنا الشغل معاهم وانت عارفهم ڼصابين
جلال قريب كل حاجه هترجع لوضعها الطبيعي ان سايبك عندك عشان واثق فيك وانك هتحاول دايما تظبط العك اللي بيعمله
جمال بتنهيده ان شاء الله يا صاحبي ان شاء الله اخبارك ايه انت و مدام حياء
جلال بابتسامه مع ذكر اسمها
الحمدلله بخير
الممرض ا تفضل يا جلال باشا
جلال بهدوء ماشي يا جمال هكلمك تاني واي حاجه تحصل كلمني عايز اول ما الهام تعرف الخبر تكون عندي وانت فاهم قصدي
جمال على الله 
قفل مع
جمال و دخل لدكتورة هدي
هدى بابتسامه اهلا اهلا باللي مدوخنا بقالي كتير منتظره زيارتك دي يا استاذ جلال بس لما عرفت ان الحج شريف ټوفي كنت منتظرك بعدها لكن برضو مجتش
جلال بجديه حصل ظروف والصراحه اصرار حياء هو اللي جبني النهارده
هدي اشجع في حياء انها بنت حيويه و عندها طاقه دايما المهم اتفضل اقعد
جلال پحده حياء قالت انك بتتجاهلي الرد عليها في موضوع الخلفه هي نتيجه التحليل فيها حاجه
هدى بجدبه انا تعمدت اني مبلغش حياء و كنت منتظره حضرتك لان الموضوع متعلق بيك انت 
استاذ جلال انا الصراحه مش عارفه ابدا ازاي لكن
جلال باستغراب في اي يا دكتور
هديفي مشكله عند حضرتك تمنع الخلفه
حس باستغراب من كلامها لانه عمره ما توقع ان يكون في مشكله عند حد فيهم 
افتكر كلامها دايما انها نفسها تكون ام
هدى بحزن
انا عارفه ان