قصه مشوقه الفصل السابع والعشرون إلى الواحد والثلاثون

 مابكي اليوم ورد 
فأبتعدت عنه بحنق
 اشتقت لوطني .. انا هنا اشعر بالغربة كنان لا أحد معي 
فضمھا كنان بحب 
 سأعرفك على ليليان شقيقة بشير صديقي 
وتذكر أمر الحفل 
 صحيح ورد اريد ان أخبرك بأمر ما
لتنتبه له ورد وقد نسيت كل شئ وهي سارحة في عينيه
 ما هو الامر حبيبي 
لينسي كنان نفسه ويميل نحوها ليحملها 
 غدا أخبرك حبيبتي ..فكما تقولون الصباح رباح 
...................
استيقظت مهرة بفزع من نومها وهي تجد نفسها بنفس ملابسها التي خرجت بها بالصباح ..وأخذت تحرك يدها على وجهها وهي تتذكر وجه والدتها الحزين وهي تخبرها أنها حزينه منها وعليها 

 ليه زعلانه مني يا ماما 
وألتقطت هاتفها لتجد ان وقت اذان الفجر قد اقترب فنهضت من فوق الفراش بتكاسل وأتجهت نحو المرحاض لتنعش جسدها بالماء الفاتر وتبدل ملابسها ثم تتوضئ وتنتظر أذان الفجر ..
.................
هبطت الدرج وهي تشعر بالجوع فبعد ان صلت واستغفرت شعرت بالراحه وأيضا بالجوع ..فضحكت على حالها وهي تدبدب على بطنها 
لتتجه نحو المطبخ وتفتح الثلاجه لتبدء في تحضير وجبة خفيفة لها
وبالفعل أعدت طبقين وبدأت تأكل بنهم ... إلي ان شعرت بخطوات خلفها لتجد جاسم بملابس امس ويبدو أنه أتى للتو من الخارج 
واقترب منها ..لتتوقف عن الطعام
 كملي اكلك يامهرة ...انا جاي اعمل لنفسي قهوة وهخرج 
لتنظر إليه بأشفاق فالأرهاق ظاهر علي ملامحه 
 تعالا كل معايا الأول وبعدين اعملك قهوة 
وكاد ان يرفض ولكن عندما مدت يدها له بالخبز مع ابتسامة استعجبها منها قرر مشاركتها 
 ايه كمية الطماطم اللي في الأكل ديه
فضحكت بمتعه وهي تأكل 
 بيض بطماطم ..وجبنة بطماطم بس ايه رأيك 
فتناول جاسم لقمه 
 من زمان اوي مأكلتش الأكل ده
فحركت رأسها وهي تأكل 
 هتسيب الجبنه الرومي والكيري واللنشون والزيتون والبسطرمه وبيض الأومليت وتاكل ده يعني 
فضحك علي عباراتها 
 انا باكل كل ده 
فتمتمت وهي تأكل 
 اه نسيت القهوة اللي ليل نهار بتشربها 
فأبتسم وهو يمسح فمه بعدما قضم لقمتان 
 نمتي ليه وانتي جعانه 
فرفعت عيناها نحوه
 مكنش ليا نفس اكل ..صحيت صليت وبعد كده نزلت أشوف حاجه اكلها 
وتسألت 
 انت كنت فين 
فتنهد وهو يغمض عيناه
 قبلت صديق ليا ... 
ولا تعلم لما أرادت ان تسأله ذلك السؤال 
 انت بتصلي ياجاسم 
فضحك ساخرا 
 هو انا مش مسلم 
فأشاحت وجهها عنه بخجل
 مقصدش بس في ناس كتير مسلمين بالاسم بس 
فأبتسم وهو يميل نحوها 
 بصلي من وانا طفل علي فكره ..والدي الله يرحمه من عمر الاربع سنين كان بيوديني المسجد احفظ قرآن وبعد ما ماټ استمريت علي كده
وابتسم وهو يشعر بالحنين نحو والده واغمض عيناه 
 كان ديما يقولي ان المسلم الصح لازم يوازن بين دينه وعلمه .... النجاح ميبقاش نجاح وانت جاهل دينك 
فتعجبت من ذلك الاب الذي رغم انه رحل وتركه وهو لم يتعدي الثانية عشر الا ان كل شئ مازال مترسخ في عقل ابنه بل ويتحدث عن والده بكل حب وفخر .. ماهذا الاب الذي ظلت ذكراه محفورة إلي اليوم
وشردت في والدها فأرتسمت الحسړة علي شفتيها
لتجد نفسها تسأله دون وعي 
 وكنت هتتجوز رفيف ازاي وهي يعني 
فأبتسم وهو يعلم مغزي سؤالها
 الدنيا بتاخد الواحد يامهرة ومن وقت للتاني بنحتاج اللي يقومنا ويمسك ايدينا 
ومال نحوها وهي ينظر ليعينيها 
 كلنا تايهين في الحياة يامهرة...وبندور على نفسنا الضيعة والمحظوظ فينا اللي بيلاقي طريقه 
فأبتسمت بأرتباك ثم طأطأت رأسها 
 انا قبلت حسين قبل مااطلع الشقه وعزمني اني اسهر مع اخواته بعد ماعرف اني طالعه اقعد مع ابلة صفاء واستاذ عادل وانك جاي تاخدني بس متأخر 
فمد جاسم يده نحو وجهها ولامس خدها بحنان 
 انا واثق فيكي يامهرة ...وفاهمك كويس بس احيانا الضغوط بتخلينا نلغي تفكيرنا ومتنسيش اللي عملتيه في الشركه 
فحدقت به متذكره اهانته لها 
 قولتلي أنك مبتحبش الفضايح ومعناها كان واضح أوي 
ودمعت عيناها لتجده ينهض ويضمها اليه 
 انتى اخدتي ليه الكلمه عنك ..انا كنت أقصد عموما 
وعلى العموم متزعليش
وبعد برهة ابتعد عنها مبتسما 
 بتشمي في ايه 
فرفعت عيناها نحوه ضاحكة 
 هعترفلك بحاجه بس متضحكش عليا ..انا بحب ريحة البرفان بتاعك أوي من أول يوم قابلتك فيه
فتعالت ضحكات جاسم بدهشه
 من اول يوم قابلتيني فيه وجيتي ټهدديني 
فحركت رأسها متمتمه
 أصل ريحة البرفان مميزه اووي 
وبعد يوم مرهق وشد وجذب انتهي بضحك 
وأشرق الصباح وهم مازالوا جالسان بالمطبخ يحتسي هو القهوة وهي ترتشف من كأس الشاي خاصتها 
 ريم هي البنت اللي حكتلك حكايتها قبل كده وساعدتها
ليشرد جاسم قليلا ثم حرك رأسه بتذكر 
 على العموم انا هنقلها الفرع الجديد اللي هيتفتح .. عشان تبعد عن نادين وميحصلش تصادم بينهم من تاني
فضاقت عيناها
 واشمعنا نادين متتنقلش ولا عشان خالها الوزير وعمها السفير وجوز خالتها اللي معرفش ايه 
فضحك جاسم وهو يرتشف من فنجان قهوته
 لواء وباباها مدير بنك 
فتهجم وجه مهرة وتمتم وهو يكتم ضحكته بعد ان رأي حنقها
 نقلي لريم في مصلحتها صدقيني هناك وضعها هيبقي أفضل وعلي فكره ياسر هو اللي هيمسك الفرع الجديد لأني واثق فيه رغم أن وجوده معايا في الشركه بيفرق
فطالعته مهرة قليلا وهي تدور الفكره في عقلها وبدأت تتثاوب ..ليبتسم جاسم 
 تعالي نطلع ننام ساعتين 
لتنهض معه وهي تفكر في أمر ريم مع طباع ياسر الجامده فهي رأت تعامله معها أمس 
..............
وقفت رقية بجانب خالتها بالمطبخ وهي ترغب ان تخبرها لما