جانا الهوى بقلم الشيماء محمد
حسيته بيتكلم كلام أقدر أفهمه أنا بصراحة حبيته وناوي أحضر كل محاضراته.
استمر النقاش عن الدكتور الجديد وهمس بتسمع بغيظ بس في نفس الوقت بتفكر في ابتسامته لما ابتسم وهمسه قبل ما يقفل الباب في وشها .
آخر اليوم الدراسي هند خرجت من حصتها وحاسة انها منهكة وبتنزل على السلم وقفها أستاذ هاني مدرس التربية الرياضية مس هند أخبارك ايه
كانت هتكمل طريقها بس وقفها بابتسامة كنت عايز آخد رأيك في كام بنت انهم يلعبوا في فريق كرة الطائرة للبنات .
استغربت وبصتله أنا ايه علاقتي بفريق الكرة للبنات أنا مدرسة انجلش .
وضحلها هم من الفصل بتاعك اللي حضرتك رائدة فيه.
اتنهدت بتعب من محاولات هاني في انه يتكلم معاها في أي موضوع وبصتله وبحزم مش معنى اني رائدة الفصل اني ليا علاقة بفريق البنات حضرتك المفروض بتختار البنات اللي بتعرف تلعب اللعبة دي أو عندها لياقة أو مقدرة انها تلعب أو تتعلم مش بناء على رأيي يا مستر هاني بعد اذنك .
نزلت لأوضة المدرسين وبتلم حاجتها وقربت منها مها هنود اوعي تكوني زعلتي مننا احنا والله بنهزر انتي عارفة احنا بنحبك اد ايه .
ابتسمتلها بتفهم عارفة يا مها ما تقلقيش انا مش بزعل منكم أبدا وعارفة انكم بتهزروا.
قاطعتها هند مها حبيبتي أنا مش محتاجة حد يعرفني أو يجيبلي عريس ولو احتجت صدقيني مش هلاقي أقرب ليا منكم أنتي أو أسماء وعلشان خاطري بلاش كلام كتير في الموضوع ده يلا أنا همشي وأشوفكم بكرا.
انسحبت بسرعة وروحت لبيتها وحاولت تظهر طبيعية علشان مامتها ما تفتحش نفس الحوار تاني .
نادر قضى يوم متعب في أوضة العمليات وبالفعل كانت العملية صعبة جدا بس إيمان كانت عملية جدا وكانت دراعه اليمين وده خلاه يغير نظرته ليها هي بالفعل شاطرة وفاهمة هي بتعمل ايه وهو بيعمل ايه .
خرج من أوضة العمليات وهي وراه بصلها بهدوء ماكنتش متخيل انك شاطرة كده يا إيمان.
ماقدرتش المرة دي تمنع ابتسامتها العريضة دي شهادة أعتز بيها منك يا دكتور ياريت بقى تبطل تطردني من نبطشياتك .
وافقت بسرعة وهي الفرحة مش سايعاها وجريت لابتسام صاحبتها حضنتها نصيحتك كانت في الجون تخيلي ابتسملي وقالي اني شاطرة وانه هيخليني معاه .
ضحكت صاحبتها مش قلتلك هو عملي وهيحب اللي معاه يكون زيه عملي
فوقتها صاحبتها بجدية فوقي هو بس اتكلم عن شطارتك فما تعيشيش في وهم هو زي ماهو ما اتغيرش ومالوش في الحب والعشق ومن يومه جد فمش معنى انه ابتسملك انه هيحبك .
كشرت إيمان أنا رايحة للمريض اللي خرج من العمليات ده انتي رخمة بجد.
ضحكت ابتسام الحق عليا مش عايزاكي تتوهمي وتفوقي من الوهم ده .
راحت للمريض وقبل ما توصل لمحت نادر خارج من عنده واتمنت لو ما راحتش عند ابتسام هو لمحها واتكلم بضيق انا مش قلتلك تتابعي المړيض
