هي دي لي طلقت ماما عشانها ؟
ابتسمت بحزن
كده كده انا لابسة كنت فاكرة هبات انهاردة عند بابا واحكيلوا كل حاجة مدايقاني ويسمعني وياخدني
هشش اهدي هيحصل كل ده اول مايروح انا هاخدك عنده.
هزت كتافها بلا مبالاة وقالت
معدتش عايزاه هو مش عايزني خلاص .
ماتثقليش طلبات لما نطلع مرتب خالك يادوب بيكفي كفاية لي عملتيه الخروجة لي فاتت .
سكتت ومردتش على مامتها كانت ماسكة في ايد مامتها وكانو قربو يوصلو للمول ابتسمت بحزن وتمني وهي شايفة فستان رقيق وشيك متعلق في واجهة المحل كأنه مفصل عليها تفصيل دورت راسها الناحية التانية وضغطت على ايد مامتها لي اول ماحست بيها بصتلها
هزت راسها بالنفي وقعدوا على اقرب طربيزة سحبت نفس
وهي مبتسمة بهدوء بتبص لولاد خالها لي بيلعبوا باستمتاع وقاطع سرحانها صوت خالها امجد
لو عايزة حاجة قوليلي ياحبيبتي ماتتكسفيش .
فركت ايديها بتوتر وجت تتكلم فقاطعتها مامتها وهمست
_انتي عارفة انه خالك مرتبه على قده فمتقليش عليه .
ابتسامتها اختفت وفكرتها فأنها تطلب تمن الفستان اتبخرت
خيط دموع اتشكلت جوا عينيها و حطت راسها على الطاولة وهي مغطية وشها بدراعاتها وهمست
_عايزة اروح ياخالو ممكن .
مسح على وشه بضيق وحاول يهدى وقال
_هقوم اطلب حاجة نشربها تشربي ايه يا عفاف
_قهوة لو ممكن وانتي يا هدى تحبي يجبلك عصير.
صوتها طلع عالي ڠصب عنها وزعقت
_قلت عايزة اروح مش عايزة حاجة .
مسكت عفاف دراع هدى بقوة وقالت من بين سنانها
_واضح اني دلعتك اوي كفاية بقا هعرف اتعامل ازاي معاكي بعد كده متعكريش مزاج خالك كتر خيره بصلنا وطلعنا نشم هوا .
زقتها لما امجد جه حط لكل حد حاجته وبدأو ياكلوا بهدوء وهي مكنتش قادرة تبلع حاجة صوت جواها بيعلى اهربي
دايما دمعتك قريبة مالك ياحبيبتي .
مدت كفها لي بيرجف ومسحت دموعها وشفايفها بتترعش
مكنتش قادرة تجمع كلمتين ورا بعض
هو بابا مابيحبنيش !
مكنش عارف يجاوبها يقولها ايه خدها وطبطب عليها
طب ماينفعش تعتبريني بابا طيب.
همست وهي بتبعد عنو وبتهرب بعيينيها في المكان
مبتسم وهو بيقومها
ده انتي تطلبي لي نفسك فيه يا هدى .
عفاف رجعتها مكانها وقالت باعتراض
كفاية لحد كده ياامجد هدى بتدلع مش عايزاك تصرف ډم قلبك على بنتي ابوها اولى بيها انت يادوب تكفي ولادك الاتنين ومراتك لي هترجع كفاية لحد كده .
زقت هدى ايد مامتها وهي بتتنفس وبتصرخ
رجعيني لوالدي وانسيني كفاية .
رفعت عفاف صباعها قدام هدى بتقول بعصبية مكتومة
صوتك مايعلاش عليا تاني لو عايزة ابوكي روحيله بس هو مش عايزك ده تف فوشك او ماولدتي فاهمة وانا ضيعت سنين من عمري عشان بنت عاقة زيك كنت غلطانه بس من انهاردة هتشوفي لو عايزة ابوكي روحيله بس هو مش عايزك لانك بنت حرام .
اتوسعت عينيها من الصدمة ورجعت لورا هي مكنتش فاهمة كويس ايه لي بيتقال بس الكلام ۏجعها جامد حست كأنه غي حد بيعصر قلبها محستش الا وهي بتجري ودموعها عمال تنزل من غير توقف وكلمة واحدة بتترددبنت حرام ابوكي مش عايزك .
مكنتش عارفة قد ايه بقالها بتجري بس وقفت فجاة بصت حواليها وبلعت ريقها بتنهج وبتبص حواليها بتوهان
انا ضايعة .
حاولت تضبط انفاسها وصړخت اول ماحست بإيد على كتفها اتلفتت واتنهدت براحة اول ماشافت
