حامل بلا عقل

قصة مستحيل تكون حامل يا دكتور دي معاقة ذهنيا
مستحيل تكون حامل يا دكتور دي معاقة ذهنيا وليها عشرين سنة مش بتخرج من أوضتها
أنا عارف إنها معاقة ذهنيا ومحرج أسألكم بتجوزوها ليه.
جواز إيه ونيلة إيه يا دكتور دي بتعمل حمام علي روحها لحد النهاردة وعمرها ما خرجت من أوضتها.
الست كانت هتتجنن مش متخيلة اللي بتسمعه ده والدكتور بدأ يشك في نفسه.

رجع يفحصها تاني بشتى السبل وبردو نتيجة الفحص بتؤكد حملها.
الست بدأت تصرخ.. تلطم خدودها.. تبص للدكتور مرة ولبنتها مرة.
البنت مسكينة نايمة علي سرير الكشف مش فاهمة حاجة ولا عارفة حاجة وشها منفوخ تحت جفونها وارم وشفايفها مشدودة ووزنها زايد كتير عن عمرها وطولها.
الأم جريت ناحيتها بتضربها على وشها تلاتين قلم وهي بتسألها بصړاخها
انتي حامل ازاي ازاي انطقي.. اتكلمي.
البنت بتصرخ مش فاهمة حاجة پتبكي م الۏجع مش دريانة بالدنيا.
الدكتور بيحاول يمنعها بكل قوة..
يا مدام حرام كده هي مش فاهمة حاجة أرجوكي نفكر بالعقل.
عقل ايه يا دكتور أنا اټدمرت عمري راح هدر يا دكتور صبر السنين راح يا دكتور.. رااااح.
إن شاء الله ملحوقة بس لازم نفكر مين عديم الإنسانية اللي عمل كده هيكون مين بس يا دكتور هيكون مين ده أنا مش بسيبها لحظة
قرايب شباب بيزوروكم مثلا
يا دكتور أنا مش بخلي قرايبي يشوفوها لا ستات ولا رجالة علشان مشوفش نظرة الشفقة في عيون الناس
مين رجالة عندك في البيت
مفيش حد غريب ابني الكبير وجوزي واخويا بياخد شهر إلإجازة كله عندنا.
اممممم
فكرك راح لفين يا دكتور
مفيش حد كبير ع الغلط يا مدام.
الست ضړبت إيديها علي صدرها مش مستوعبة
لا يا دكتور.. متقولش كده أرجوك ربنا استرنا يارب.. استرنا ومتفضحناش يارب.
الدكتور راح ناحية دفتر الروشتات وكتب لها العلاج.
انا هساعدك ننزل الجنين ده في أسرع وقت ولو تحبي أساعدك نعرف مين ده فأنا تحت أمرك.
الست هزت راسها وأخدت بنتها ورجعت البيت وهي مش طايقة تبص في وش حد.
عقلها هيطير منها 
ثم إنها مش بتسيبها لوحدها لحظة وإن خرجت بتسيب لها اكل كتير في الأوضة وتقفل عليها الباب بالمفتاح يبقى مين عمل كده وإمتى
أووووف..
إيه الحيرة دي بس!
لازم تبدأ تنفذ الحيلة اللي قال لها عليها الدكتور وتكتشف بسهولة مين فيهم اللي عمل كده
أكيد لو بدأت في تنفيذ خطة الدكتور هتعرف مين اللي عمل كده..
كانت خاېفة يطلع جوزها ولا أبوها ولا أخوها لأن صډمتها هتكون كبيرة ومش بعيد الصدمة ټقتلها..
لكن لازم تعرف الحقيقة وده اللي خلاها تبدأ بالفعل في التنفيذ.
نادت جوزها وقالت له إن البنت حامل 
جوزها اتفاجئ بالكلام ده. إنتي بتقولي إيه أنا ابني مستحيل يعمل كده وقلت لك مليون مرة إن أخوكي ده مش مريحني وشاكك في إجازاته الطويلة دي.
هو انت ما هتصدق تلاقي تهمة تلزفها في أخويا
هيكون مين يعني أنا ابني مستحيل يعمل كده وانا ليا كلام مع أخوكي وهعرف شغلي معاه..
لا وحياة بنتك ما تعمل حاجة دلوقتي سيبني أتصرف استنى أشوف
الدكتور هيقول إيه ولا هيعمل إيه.
دكتور هو أنا عندي أعصاب تستنى الدكتور انتي مش متخيلة المصېبة اللي احنا فيها بنتك المعاقة ذهنيا حامل يا هانم.
ماشي لما نشوف دكتورك ده هيقول إيه.
وبعد ما أقنعته مراته يسكت طلبت منه يخرج ويسيب البيت ساعة بعد ما جوزها خرج راحت تستنى أخوها في أوضته واتفاجئت إنه موجود من بدري وبيجهز
شنطة هدومه.
إنت بتعمل إيه
بجهز شنطتي لازم أسافر الواحات ضروري
وإيه السفرية اللي جات فجأة دي
المهندس اتصل بيا وقال لي لازم تيجي.
بدأت تبص له من فوق لتحت
وجسمها