زهرة_وسط_اشواك

انا قولت كلمة خلاص.. ويلا علشان اروحك عند ابوكي وبالمرة اتفق معاه علي كتب الكتاب
ونزلت زهرة مع عمها بعد ماحمزة مشي علي شركته
زهرة في العربية وعمها متجه ل بيت اخوه اللي هو والد زهرة
زهرة.... عمي. انا مش عاوزة اروح بيتنا.. لو سمحت ممكن حضرتك توصلني عند بيت تيتة
هارون وقف العربية باستغراب لما لاحظ علي وشها الحزن... ليه ياحبيبتي 
زهرة دموعها نزلت وقصت عليه ماحدث
هارون پغضب بعد ماسمع منها.... طول عمري وانا عارف ان ابوكي ده امك اللي ممشياه 
اتنهد وبعدين قالها... انتي من هنا ورايح بنتي انا. وابوكي ده انا ليا صرفة معاه.. هتروحي دلوقتي تجيبي حاجتك وهتيجيي معايا الصعيد
زهرة.. بس.. 
بقلم فريدة احمد 
هارون قاطعها... انتي كده كده هتتجوزي حمزة يعني هتيجي تعيشي معانا مفرقتش من يومين 
زهرة.. ياعمي. انا مش عاوزة اتجوز حمزة.. علشان خاطري
هارون بحنية لانو فهمها.... صدقيني لو عملك حاجة انا اللي هقفلو.. مټخافيش 
نزلت زهرة من العربية ودخلت البيت علشان تجيب حاجتها. 
فتحت الباب بهدوء ودخلت علي اوضتها علطول 
بس قبل ماتفتح باب اوضتها وتدخل اتفاجات بصوت شيماء اللي طالع من اوضتها اللي جمب اوضة زهرة
وهي شكلها كانت بتتكلم في التليفون وبتقول... اه زي مابقولك كده. انا واحمد علي علاقة مع بعض من فترة.. 
يابنتي بيحبني انا. عمره ماحب زهرة اصلا.. بدليل اول ماوريتو صورها المتفبركة صدق فيها. وبقا معايا انا. واهو خلاص سابها وهيتجوزني انا
زهرة كانت بتسمع الكلام پصدمة 
فتحت الباب پغضب وو
يتبع..... 
زهرة_وسط_اشواك
البارت_التاني
ل فريدة احمد