تحقق احلامي
معين ...
بدأت اتمرد وللأسف كان الوقت الى حد ما متأخر
بدأن اتمرد بعد م عديت سن ال 30 اكتشفت ان 30 سنه من حياتي ضاعت وانا كل همي واملي وتفكيري كله هو الجواز وبس
اكتشفت اني مهما عملت لاهلي مأخدتش منهم غير الشماته والحزن و....
مش هقول اني بطلت افكر في الجواز بس ع الاقل بدأت اهتم بحياتي انا
بدأت ادور على نفسي واحاول ابدأ معاها من جديد
وكانت اول خطوه لتغييري هي اني اسيب شغلي وربنا قدرلي اكون في مكان افضل مع ناس مريحه نفسيا اكتر
ناس ولا بتسألني سنك كام ولا يا عيني انتي عديتي ال 30 ولسه آنسه ولا .. ولا ..
مكان اغلب اللي فيه مهتم بشغله وحياته وبس بدون تدخل في حياة غيره
وان قلة النسبه دي حاليا للأسف بس ع الأقل ربنا بعت في طريقي الناس دي وفي الوقت دا بالذات ...
كمان طموحهم مش جواز وبس اووو بمعنى ادق كل حاجه بتيجي في وقتها بتكون افضل ...
من ضمن الصداقات دي قربت اكتر من بنت_منتقبه
صراحة في البدايه كنت بتجنب الاختلاط بيها شويه
بس بعد كدا حياتي كلها اتغيرت بسبب مره واحده شاء القدر نرجع من الشغل مع بعض واتكلمنا وقتها كتير
بدأت اخد بالي من آخر حاجه كانت ممكن تخطر ع بالي وهي
علاقتي_بربنا !
كنت اول مره افكر في علاقتي بربنا
اول مره اتسأل السؤال دا
ايه احوالك مع الله !
ايه اخبار قلبك مع الله !
كان ممكن اخد الكلام وقتها ع انها واحده من الناس اللي بتخنقنا بإسم الدين وانها شايفه حياتي كلها غلط وحرام
السؤال نفسه لجمني ... تاني
ايه احوالك مع ربنا !
ايييييييييه !!
فضلت اسأل نفسي كتير دايما كنت بعلق عدم جوازي وعدم راحتي وعدم احساسي بإني بنت طبيعيه هي شكلي و كلية_الهندسه !
طيب وربنا !
طيب واخباري مع ربنا !
اكتشفت اني مفيش في حياتي حاجه اسمها صلاه مش حتى بصلي مره اه ومره لا
دا مفيش حتى احساس بالذنب او تأنيب ضمير مر عليا قبل كدا
الألعن ان مفيش اهل دوروا واهتموا بعلاقتي بربنا وصلاتي والتزامي بفروض ربي قبل اهتمامهم بشكلي ومظهري والبحث عن عريس وغيرها
30 سنه في عمري من غير صلاه حرفيا ولا تقولي حتى رمضان او غيره
نسيت اقولك معلومه مهمه جدا وهي اني مع كل دا كنت غير_محجبه
يمكن اكون شووويه قدرت اوضح الحياه اللي كنت فيها انا
واهلي يمكن والدي هو
