احبتي زعيم مافيه ورهان حلمي
هتثبت لك ان ما حدش في الدنيا هيقدر يحبك قدي ودلوقتي كفايه رغي لحد كده وخليني احقق حلم عمري معاكي وانا بشوفك بتمضي على القسيمه بتاعتنا بالمناسبه صورتي جنب صورتك ينفع يتعملوا لوحه فنيه من كتر ما احنا لايقين على بعض
نيرة بدموع
انا اسفه قوي يا رنيم بجد اسفه انك هتضحي بحياتك عشاني لو كنت اعرف ان كل ده هيحصل ما كنتش جبتك اسكندريه معايا انا اسفه على العمر اللي هيضيع منك مع المچنون ده
حاسبى على الفاظك شويه يا قطه انت لسه رقبتك تحت ايدي باشاره مني مش هتلاقي لسانك اللي مستقويه بيه ده.. و لمعلوماتك سواء رنيم جات اسكندريه ولا في النهايه قدري كان اني اشوفها وما حدش بيقدر يقف قدام القدر ولا ايه يا رينو!!
ما ردتش عليه وبعدين رحنا كتبنا كتب الكتاب من غير اي اعتراض مني دموع كانت بتنزل بهدوء بس وقفت اول ما سمعت الماذون بيقول اكتر جمله كان نفسي اسمعها مع يوسف!!
بارك الله لكما وبارك عليكما وجمع بينكما في خير..
ايوب بتنهيدة
مبروك مدام ايوب الشناوي.. بقيتي ملكي رسمي باستثناء شويه اضافات لسه ما عملنهاش
رنيم بسخرية
في احلامك الورديه يا ايوب... اه صح ما بقاش فيها احلام ورديه من النهارده.. لان حتى احلامك هحولها بالسواد زي ما هعمل في حياتك كده بالضبط
اااخ متحمس قوي.. ونظرتك الشرسه دي مخلياني عايزه اقعد واكل فشار واستقبل اي اڼتقام منك بصدر رحب و بكل حب!!
رنيم
ما تنرفزنيش يا ايوب انت لسه ما شفتش الجانب المظلم بتاعي
ايوب
طب ماتجيبى كشاف عشان نعرف نشوفه كويس...
ضغطت على ايدي پغضب وانا بحاول اهدي اعصابي وبعدين تجاهلت نظرته اللي مليانه هيام وبعديها جريت على نيره
روحي بيتك على طول يا نيره مش عايزه اي حد يعرف حاجه من اللي حصلت النهارده و ما تشيليش هم انا هكون كويسه ايوب صحيح مچنون لكن مش هيقدر ياذيني
نيرة
انا خاېفه قوي بجد عليك يا رنيم انت مش حمل اللي داخله عليه
رنيم
مين قال لك ده المفروض انك تعرفيني كويس وتعرفي اني مش بتهزم بسهوله
رميت نظره مليانه حقد ناحيه يوسف على عكس الحزن اللي كان جوايا
على الاقل كل حاجه بانت على حقيقتها وفوقت من الغفله اللي كنت فيها صدقيني وجودي مع ايوب ارحم بكثير من صدمتي في يوسف!!
ايوب
ما تخلصينا بقى يا مراتي يا حلوه مش هنضيع اليوم في الدراما دي
رنيم
خدي بالك على نفسك وانا هحاول اتواصل معاكي على طول
نيرة
وانتي كمان خالي بالك على نفسك
ايوب
ما تخافيش رينو في عيني
ايوب بدندنه
الجو هادي خالص و الدنيا هوص هوص و انا و انت يا حبيبي يا حبيبي و نجوم الليل و بس...
رنيم بهمس
نفسي اعرف مين المتخلف اللي فهمه ان صوته حلو!!!
ايوب بصوت عالي
لا في عزول ما بينا و خلق يغيرو منا و الكل ناموا ننا و فضلت انا و انت بس..
رنيم
ارحم امي مش هيبقى الدنيا وام صوتك الزفت عليا!!!
ايوب
هتفضلي طول عمرك وش فقر.. لو حد من رجالتي شافه ايوب نفسه بيغني للبنت بتاعته اغاني شاعريه كده ما حدش هيصدق بجد انا ممكن هبتي تقع تدمر ساعتها
رنيم
عايز تفهمني اللي انت بتغنيه ده اغاني شاعريه!!
ايوب
انت مجنونه يا بنتي ما تعرفيش اغنيه عبد الباسط حموده ولا ايه... دي اغانيه كلها مليانه حكم واشعار...
رنيم
انا مش قادره استوعب اللي بسمعه بجد ومش عارفه اصلا انا في ايه ولا في ايه
