أرض الاڼتقام

الفصل الاول
روايه القلب وما يريد 
ارض الاڼتقام 
الحلقه الاولي 
دايما نسمع عن حكايات التار في الصعيد مع ان في حكايات تار في ارياف عاديه في محافظات تانيه
في قريه في محافظه القليوبيه .. من زمان كان في عيلتين بيقتلوا في بعض... عيله ولاد فارس وعيله ولاد علام.... العيلتين فضلوا سنين طويله وبعد محاولات كتيره وتدخل من كبار البلد وبلاد تانيه قدروا انهم يوقفوا سيل الډم ما بينهم.... بس برضه فضل ما بين العيلتين ضغينه وكره
بعد مرور سنين كتير 
في قصر ولاد عالم ... كان شاب في التلاتين من عمره قاعد في مكتبه .. مشغول جدا .... قاعد علي الاب توب بتاعه بيشتغل..... االلي يبصله مم اول نظره يعرف انه طبعه صعب من ملامحه.... وانه جدي جدا..... الشاب ده بقي هو اللي هيبقي كبير عيله ولاد فارس المستقبلي...... دخل واحد مم رجالته المكتب وهو بينهج .... حاول ان يتكلم بس كلامه كان مفشكل مش عارف يجمع كلمتين علي بعض .... فشاوله يهدا وبعدين يتكلم ... الراجل بدأ يأخد نفسه وبعدين اتكلم 

سليمان الحق يا جسور بيه الحق ... اخوك 
قام جسور من مكانه بسرعه 
جسور بلال!!!!! مهو مفيش غيره هنا عاصي مسافر ..... حصل ايه انطق 
ابو جسور جمال وهو كبير عيله فارس متجوز اتنين الاولانيه ام جسور اسمها عزه وخلفت منه جسور وبلال وداليدا والتانيه اسمها صباح واتجوزها في نفس السنه اللي اتجوز منها عزه بس اتجوز عزه في اول السنه وصباح في اخرها 
وخلف من صباح عاصي وحسناء 
ولان عاصي كبير عن بلال في السن ومش متهور وبلال هو صاحب المصاېب والحوادث والكوارث... من صغره وهو كده... المشكله انه يعمل المصېبه ويلبسها لاي حد تاني.... لانه جبان بېخاف يتحمل مسئوليه افعاله 
سليمان راح عند ولاد علام 
الخوق... والقلق والفزع بدأوا يظهروا عليه 
جسور نعم ازاي 
سليمان نط من علي السور ودخل قصرهم وشويه سمعت صوت صوات مستناش جسور سليمان يتكلم كلمه واحده تاني لانه جري واخد السلالم جري حتي انه كان هيقع علي وشه.... ركب عربيته وهو عمال يفكر يا تري يا بلال عملت ايه 
وصل جسور لقصر ولاد علام... بص للسور العالي 
جسور السور عالي... هحاول اطلع 
حاول جسور يطلع اكتر من مره بس فشل..... فضحك سليمان ف جسور بصله باستغراب وڠضب 
اتنحنح سليمان وسكت خالص بعد ما لقي جسور بيبصله بصه وكأنه هيقتله 
سليمان لازم حد يشبكلك علشان تطلع 
جسور رغم ذكائك المحدود يا سليمان... بس عندك حق... بس لحظه لو كان كده... بلال طلع ازاي!! 
سليمان بضحك مهو انا اللي شبكتله ايديا علشان يعرف يطلع
جسور بابتسامه صفرا لا والله 
سليمان بضحك وانشكاح اه والله 
ضربه جسور علي صدره ضربه قويه خلته يكح ... ورفع ايده علشان ېخنقه 
جسور اعمل فيك ايه... اعمل فيك ايه قولي.... اخنقك. ... والله
ما تستاهل الخنقه حتي 
نزل ايده وقال بعصبيه اخلص وشبكلي ايدك خليني اطلع اشوف المصېبه دي 
وحط ودنه علي السور ملاقاش صوت خالص شكلهم قتلوه 
طلع جسور علي السور وبقي رجل برا ورجل جوه 
جسور والله وجه الزمن اللي جسور ينط من علي سور البيوت زي الحرااميه.. انا حتي حتي محصلتش حرامي غسيل وكل ده بسببك يا بلال الكلب... صبرك عليا بس 
نزل جوا القصر ومشي شويه لغايه ما لقي اخوه المچنون اللي مطلع عينه واقف وستات ولاد علام عاملين دايره حواليه ومحاوطينه
قرب منهم وفي ثانيه واحده لقي نفسه جوه الدايره ازاي ميعرفش... بص لاخوه بشړ وغيظ بيتوعدله لما يخرجوا من المصېبه دي بس.... فضل يبص حواليه يدور علي منفذ يخرج منه لغايه ما واحده من اللي واقفين اتكلموا 
ايه المرار ده... دول بقوا اتنين من ولاد فارس... شويه شويه وهنلاقي ولاد فارس كلهم احتلوا القصر 
ردت التانيه طب حد ينادي لأبويا فوزي 
الأولي ابويا الحاج واسلام مسافرين 
ردت التانيه يبقي مفيش غيرها. . بروووووج يا بروووووووج 
وفجأه بقي الكل في نفس واحد بينادوا علي بروج.... اربع بنات جم جري ورا بعض... بس تلاته منهم وقفوا بعيد عن الدايره... وواحده منهم قربت.... بروج كانت فتاه عاديه في جمالها... شكلها زي ملايين البنات... مهياش ملكه جمال يعني.... بس ليها عيون عامله زي عيون الغزال رغم ان نظرات عيونها زي نظرات الصقر. ... فضل جسور يبصلها